JAGA-JAGA CINTA

Assalamualaikom lon pephoen rawi,,,
muda ngen mudi mandum sereta,,,
puja ngen puji ke sidroe RABBI,,,
hana y laen y maha esa,,,

seulawet salem pang ule nabi,,,
kehendak RABBI Muhammad nama,,,
nama y aneh sangka yahudi,,,
tapi ngen jujor mandum terpana,,,

nibak kali nyoe lon karang rawi,,,
lon nek pemeri bahaya cinta,,,
menyoe cinta nyan nafsu kuasai,,,
mandum y meuri hancoe binasa,,,

tapi menyoe na iman lam hati,,,
cintai mearti ngen akai kepala,,,
mandum cintanyan lage semesti,,,
ta jaga diri bek roeh lam dosa,,,,

karena wate phoen cinta mulai,,,
ngen kata suci sang hana desya,,,
tapi mandum nyan han pue pungkiri,,,
nye ka melugi teutap medesya,,,

adak di tengkue atau kyai,,,
y pakek peci surban geputa,,,
ka seupoet mata tuwe ke RABBI,,,
menyoe ka keneng ramuan cinta,,,

tamse ke mioeng adak me peci,,,
ungkoet  yue jaga hana pue dusta,,,
tetap ge caluek dak pieh han meuri,,,
ikue meuputie pasti geteme rasa,,,,

nyan ban lon pegah wahe e akhi,,,
tapi atanyoe hana semua,,,
menyoe keng iman taat ke RABBI,,,
tente me pasti ta tuoeh jaga,,,

memang nyoe cinta fitrah insani,,,
mandu getanyoe na tarasa,,,
tapi ta jaga akhlak ngen budi,,,
iman ke RABBI sabe lam dada,,,

Share this post