badge NAZAM TAJWID : MAKHREJIL HURUF (B.ACEH) | Ukhwah Asyifusyinen
Home » » NAZAM TAJWID : MAKHREJIL HURUF (B.ACEH)

NAZAM TAJWID : MAKHREJIL HURUF (B.ACEH)

Advertisement
NAZAM   TAJWID



Dua ploeh sikureng huruf ejaan be taturi,,,
Makhrej jih sikureng blah ka geu bagi,,,
Sikureng blah nyan limoeng maudhek beuna tapham,,,
Pertama phoen maudhek jauf wahai taulan,,,

Maudhek halaq, maudhek lisan dua ngen lhee,,,
Maudhek syafatain teuma keu peut wahe sampe,,,
Teuma keulimoeng maudhek kaisyum ka geuboeh nan,,,
Beu ta ingat be ta afai ban-ban dum nyan,,,

Penjelasan :
Tiap-tiap makhrej dalam tiap-tiap maudhek serta huruf masing-masing.

Di maudhek jauf saboeh makhrej di jih sagai,,,
Yang geupeunan makhrej jauf wahai taulan,,,
Nyang keuh tempat di huruf mad alif, wow, yaa,,,
Lage miseu لاتبيعوا (la tabiy ‘uw)  phoem le gata,,,

Maudhek halaq lhee boeh makhrej na di sinan,,,
Pertama phoen افص الحلق  (afzal halqi) wahai rakan,,,
Hamzah ngen ha beu ta baca sinan teubit,,,
Beu biasa coba-coba nyak bek meu griet,,,



وسط الحلق (wasadt halqi) makhrej halaq yang ke dua,,,
Dua huruf sinan teubiet ع  dengen ح  ,,,
ادى الحلق (adda’ halqi) makhrej halaq teuma yang ke lhee,,,
غ  Dengen  خ sinan tauka wahe sampe,,,

Maudhek lisan siploeh makhrej sinan teuka,,,
Serta huruf maseng-maseng dengoe lon baca,,,
Makhrej yang phoen uram lidah ngoen langet-langet,,,
Syit huruf  ق  pham beu ceudah bek na singet,,,

Ukeu nibak nyan ngoen langet-langet makhrej ke dua,,,
Meuhat huruf ك saboeh huruf sinan teuka,,,
Teungoeh lidah ngoen langet-langet makhrej ke lhee,,,
Teubit sinan ج, ش dan ي ka meu teuntee,,,,

Bineh uram nibak lidah dengen geuheum,,,
Beu meumanjang sampe depan meunan geukhen,,,
Nyan keu meukrej huruf ض wahe teungku,,,
Jak meutuwah masyarakat nibak guru,,,

Kepala lidah ngen langet-langet makhrej ل ,,,
Ukeu nibak nyan makhrej ن wahe taulan,,,
Ukeu nibak nyan dengen gusi makhrej ر ,,,
Kepala lidah nyan rap ujoeng pham le gata,,,

Ujoeng lidah dengen gusi yang di ateuh,,,
Makhrej  لت be tapham le gata,,,
Ujoeng lidah dengen papen uram gigoe,,,
Makhrej  س beutayakin   ص dan   ز ,,,

Ujoeng lidah dengen ujoeng gigoe yang di ateuh,,,
 ث , ذ , ض    sinan teuka man lhee huruf,,,
Di antara dua bibi blah U dalam,,,
Sit huruf  ب inan teuka beuna ta pham,,,

Di antara dua bibi blah U luwa,,,
Syit huruf م  beu tayakin oeh tabaca,,,
Bibi roet yup dengen ujoeng gigoe ret di ateh,,,
Sit huruf  ف saboeh saja meunan makruf,,,

Di antara dua bibi makhrej و  ,,,
Saboeh saja hana dua wahe sampoe,,,
Makhrej khaisyum bunyi dengueng teubit sinan,,,
Lage miseu ن  meucadue hai budiman,,,


0 komentar:

Post a Comment

Ikuti Kami

notifikasi
close